Снег ќе ја прекрие Македонија

Утре изутрина врнежи од дожд ќе има во крајните источни делови од земјава, а преку денот врнежите ќе бидат повеќе застапени во западните делови, но нема да бидат обилни.

На планините ќе врне снег, а до крајот на денот снежната граница ќе се спушти до околу 600 м.н.в.

Локални врнежи од снег ќе има и во понеделник, особено претпладне во западните делови, каде на повеќе места ќе се формира и снежна покривка.

Под влијание на северно струење температурите од понеделник значително ќе опаднат.