Американските воени пилоти очајни: Како да војуваме со Русите кога не ги гледаме нивните ловци

Американските воени пилоти, дури и оние кои управуваат со петтата генерација на F-22 Raptor, се фрустрирани бидејќи не можат да ги пронајдат и следат навремено руските Су-30 и Су-35 ловци во Сирија.

Еден од командантите на ескадрилата на воздухопловната база Ал-Дафра во Обединетите Арапски Емирати, за американскиот неделник “Авијација” изјави дека американските пилоти секогаш биле изненадени кога руските ловци се појавувале во воздушниот простор на Сирија.

Неименуваниот пилот објасни дека таквите “изненадувања” се случуваат бидејќи F-22 нема комплети сензори за откривање и идентификување на туѓи авиони под ноќни услови.

– Ние се обидуваме да воспоставиме врски со руски пилоти преку специјални канали, но тие не реагираат, се пожали претставникот на САД.