Погачици со сирење од само три состојки (Видео рецепт)

Погачици за родендени или како грицки за викенд. Уживајте во финиот вкус…

Состојки: 300 гр фета сирење; 250 гр маргарин; 300-350 гр брашно; 1 јајце за премачкување; сол ако сирењето не е солено

Начин на подготовка:

Изгмечете го сирењето, додајте маргарин на собна температура па со раце изгмечете го да се изедначи. Додајте брашно и продолжете да месите додека не стане компактно. Оставете прекриено да стои во фрижидер околу 30 минути.

Развлечете, не многу, и вадете погачици со чашка.

Наредете ги на хартија за печење или намастена тепсија со маргарин, оставете ги да отстојат додека рерната се загрее на 200 степени. Премачкајте ги со разматено јајце. Печете околу 20 минути.

Послужете ги топли или чувајте ги прекриени бидејќи можат да стојат и до три дена. Остануваат фини и меки.

Добар апетит!