Се скарал со сопругата, па таа го претепала

Се скарал со сопругата, па таа го претепала!

Полициската станица во Цазин, Бих, примила повик за помош од 31-годишник кој се пожалил дека синоќа физички се судрил со три години постарата сопруга и дека таа во таа прилика му задала лесни телесни повреди по главата и телото.

Брачниот пар прво вербално се судрил, а потоа следела и физичка пресметка, а како што се чини подебелиот крај го извлекол мажот бидејќи тој во полиција поднел пријава против сопругата поради насилство, пренесоа медиумите во БиХ.

Неофицијално, односите помеѓу сопружниците подолго време биле нарушени, а наводниот мотив е љубовна измама.